PAREHO SILANG nawalan ng balanse sa may burol.
Mabilis ang reflexes ni Jether but it wasn't enough for both of them. Napayakap si Cythe sa matipuno nitong braso habang nagpagulong-gulong silang dalawa paibaba. Nabitiwan niya ang iba niyang bitbit at lumanding pa sa malapad nitong dibdib. Dama niya ang paghingal nilang dalawa dahil sa nangyari. Ramdam rin niya ang pagbilis ng pagtibok ng puso niya na kagaya ng kaniya. Ang katawan ni Jether ang humandusay sa lupang medyo mabato at hindi sinasadya ni Cythe na daganan ang lalaking palagi na lang na-ha-high blood sa kaniya. Mabuti na lang at pati ang mga flashlight nilang bitbit ay nabitiwan din kaya hindi nito napansin ang pagkaasiwa ng kaniyang mukha.
Mabilis siyang tumayo. Hindi niya iniinda ang sakit sa natamong pagbagsak. At dali-daling
