Nagsisimula nang gumulong ang tadhana. Sana sa pagkakataong ito ay magawa niyang magtagumpay.
Nagtama ang mga mata nila ni Snow White. Mahal at nirerespeto ni Cythe ang kaniyang reyna at kaibigan.
Malalim ang iniisip ni Cythe. Kay daming mga bagay ang tumatakbo sa kaniyang isipan. Una, kailangan niyang hanapin ang isinumpang si Jether. Pangalawa, paano niya maibabalik ang grupo nila Wreith sa mundo ng mga tao? At higit sa lahat, paano niya tatakasan ang kuryosidad at galit ng reyna?
Lumuhod siya sa harap ng reyna.
Yumuko.
Hindi niya kayang titigan ang mga mata nitong sobrang dismiyado sa kaniyang kalapastanganan. "Patawad, Reyna Snow White. Hindi ko sinasadyang galitin kayo."
"Tumakas ka na naman, Cythe. Palagi mo na lang itong ginagawa. Hanggang ngayon, hindi pa rin kita kayang in
