Kabanata 91
Luna POV
Hindi ko na alam kung ano ba ang nangyari kagabi dahil hilong-hilo na talaga ako at ang sakit ng ulo, nagising na lang ako na may nakayakap sa’kin at ng imulat ko ang mga mata ko ay si Axel agad ang unang bumungad sa’kin. Hindi ko alam kung tulog pa rin s’ya o hindi na pero binaliwala ko na lang ‘yon at binusog ko ang mata ko habang pinagmamasdan ko s’ya. Para pa rin akong nanaginip at parang lahat ng ‘to ay isang panaginip lang sa’kin. Hindi ko lubos maisip na magiging kami ni Axel pagkatapos ng mga nangyari sa buhay ko. Hindi ko maisip na ang isang tulad n’ya ay mahuhulog sa isang tulad ko. Hindi naman ako umaasa noon na magkakaroon ako ng kasintahan na katulad ni Axel, imposible kasing mangyari ‘yon at nababasa ko lang naman ang mga ‘yon sa libro at napapanod mins
