Hindi magkamayaw ang tuwa ng dalawa nang makitang gising na sa wakas ang pasyente.
"Vien! Gising ka na, oh my god! Thank you, Lord!" Nagtititili pa nga ang lokang si Joyce sabay halos patakbong lumapit sa kanya at yakapin siya.
"Pinakaba mo kami, alam mo ba 'yon, ha! Loka ka! Buti naman at nagising ka na, 'no! Ilang oras ka na kayang natutulog!" sunud-sunod pa ngang palatak at malambing nitong sermon sa kanya.
"Aray, Joyce, ano ba? Parang sasakalin mo naman ako, eh!" Tatawa nga niyang biro dito, ang higpit kasi ng yakap nito na para bang sobrang natakot ito noong hindi pa siya nagigising.
Agaran namang nag-aalalang binitawan siya ng kaibigan. "Ay hala, sorry! Na-excite kasi ako, eh! May masakit ba sa 'yo o ano? Sorry my friend I didn't mean to hurt you—"
"Huwag OA, okay lang ako, ano
