Si Sheryll na iyak nang iyak ay inaalo siya. Si Darren ay pilit na tinatatagan ang loob kahit na emosyonal na rin at tinatapik sa balikat ang best friend na si Tristann tapos ay pinakakalma din ang mommy ni Vien.
Sa mga sigaw kasi ng ginang parang mas mauuna pa itong panawan ng ulirat sa matinding emosyong namamayani rito.
Ang heart rate ni Vien, pababa nang pababa!
"Vien!!!"
Humupa ang sigawan at iyakan nang muling tumaas ang vitals at naging normal ang pagtibok ng puso ng babae sa loob. Makikita 'yon sa screen ng monitor at pati na sa pare-parehong bagaman ay pagod na mga anyo ng medical team ngunit tila nakahinga sa wakas nang maluwag ang mga ito.
Silang mga naririto sa labas at mahal sa buhay ng pasyente ay nagmistulang sabay-sabay na nabunutan ng tinik sa lalamunan at nakahinga n
