“LOVE, ‘wag mo namang ipahalata na sabik na sabik ka sa akin,” natatawang kantiyaw ni Candy kay Mhorric nang sandaling maghiwalay ang mga labi nila mula sa isang makapugtong-hiningang halik na mainit nilang pinagsaluhan.
May ngiti sa labi habang nakatitig siya sa guwapong mukha ng kaniyang asawa. Ang mga kamay niya ay nakayakap sa may batok nito.
“Kung puwede ka nga lang hilahin agad papunta rito sa silid natin kanina ay ginawa ko na,” ani Mhorric na kinintalan siyang muli ng halik sa labi.
Kauuwi lang nito mula sa isang linggong business conference na dinaluhan nito sa Japan. Kaya naman heto ang asawa niya at daig pa ang isang taon silang hindi nagpangita. Palagi naman silang nag-vi-video call pero miss na miss pa rin siya nito. Tho, ganoon din naman siya rito. Nahirapan yata siyang ma
