“MOMMY, am I pretty?” anang munting tinig ni Sugar nang lapitan nito si Candy na abala naman sa pagsasalansan ng kanilang mga damit sa isang cabinet.
“Of course, ba—” Ganoon na lamang ang panlalaki ng mga mata ni Candy nang makita ang hitsura ng kaniyang anak. “Sugar, ano’ng ginawa mo sa makeup ni mommy?” Hindi niya alam kung matatawa ba siya o ano sa pinaggagagawa ng kaniyang anak. Sasaglit pa lang niya itong tinatalikuran. Pero heto at kung ano-ano na ang pinaggagagawa.
Tumawa lang si Sugar na nag-beautiful eyes pa. Kapag ganoong nagpapa-cute na ito, hindi mo na talaga magagawang pagalitan ito. Napakaganda naman kasing bata. Tatlong taon na si Sugar at kabuwanan na rin niya sa pangalawa nilang anak ni Mhorric. Ngayon, lalaki ang nasa sinapupunan niya. Bagay na mas lalong ikinatuwa ni M
