“PARANG gusto kong bigyan ng reward ang pagiging ninja ng mga tauhan mo, Dark,” nakangisi pang litanya ng isang lalaki nang madala sa isang pribadong silid na iyon si Candy.
Napalunok si Candy matapos maupo sa silya na pinagdalhan sa kaniya.
Dalawang unipormadong lalaki ang nanakot sa kaniya kanina sa Savanna’s Side na may mangyayaring masama kay Mhorric kapag hindi siya sumama ng maayos. Dahil sa takot na may mangyari nga kay Mhorric kaya wala siyang nagawa kundi ang sumama. Ayaw rin ng mga iyon na hintayin pa niya si Mhorric na makalabas sa CR. Parang gusto niyang pagsisihan ang ginawang pagsama sa dalawang lalaki kanina. Daig pa niya ang k-in-idnap.
Hindi niya kilala ang tatlong lalaki na naabutan niya sa loob ng silid na iyon na mga nakaupo sa pahabang lamesa. Magkakatabi ito. Haban
