DAHIL sa nangyari, kaya naman in-assure din mismo ni Mhorric ang security ng pamilya ni Candy sa Bulacan. Hindi biro ang mga banta na natamo rin ng mga kapatid niya sa social media bago mag-deactivate ang mga iyon ng account. Kaya hindi rin pumayag si Mhorric na walang gagawin para sa kaligtasan ng mga ito. Lalo na at malayo sila sa lugar na iyon.
Kauuwi lang nila ni Mhorric nitong nakaraang weekend sa Bulacan. Nag-stay sila roon ng Sabado at Linggo. Akala ni Candy ay para dalawin lang nila ang kaniyang pamilya, pero hindi niya inaasahan noong matapos silang maghapunan, araw ng Sabado ay hingin nito sa kaniyang mga magulang ang kamay niya. Sa harap din mismo ng kaniyang mga kapatid. Wala ring takot na inamin nito sa kaniyang Tatay Henry na sinagot na niya ito at may relasyon na sila. Mukh
