HINDI mapigilan ni Candy ang i-research sa isa niyang social media account ang pangalan ni Mhorric. Hindi niya expected na magiging hot topic sila para sa linggong iyon. Maraming lumabas na suggestion sa kaniyang screen.
May isang particular na video siyang cl-in-ick dahil sa title niyon.
SCOOP: Sino ang kontrobersiyal na babaeng kasama ni Mhorric Soliven sa Lucban, Quezon?
Huminga muna siya nang malalim bago pl-in-ay ang naturang video. May introduction pa iyon bago nag-appear ang tatlong babae sa screen. Mukhang vlog iyon na sila ni Mhorric ang topic. Tahimik lang niya iyong pinanood.
“At ‘yon na nga. Mainit-init pa na tsismis mga ka-virtual kapitbahay,” anang isang babae na nagpakilala na Cora. “Siguro naman ay nabalitaan din ninyo ang kaganapan sa Lucban noong Sabado?”
“Yes!” ani
