NANG tuluyang magising ang diwa ni Candy kinaumagahan ay unti-unti rin niyang iminulat ang kaniyang mga mata. Liwanag buhat sa nakawahing kurtina ang agad na sumilay sa kaniyang paningin. Muli siyang napapikit. Mukhang tinanghali na siya ng gising.
Muli niyang iminulat ang mga mata. Sunod na naagaw ng kaniyang tingin ang tulog pa ring si Mhorric sa tabi niya. Nakatagilid ito ng higa paharap sa kaniya.
Bakit naroon pa rin ang kaniyang nobyo? Sa pagkakaalam niya ay may pasok ito ng araw na iyon. Nang maalala ang bagay na iyon ay bigla pa siyang napabangon. Hindi pa niya ito napaghahanda ng almusal nito!
Nang dumulas pababa ang nakabalot na comforter sa kaniyang katawan ay saka lang niya napagtanto na wala siya kahit isang saplot sa katawan. Saka lang din niya naalala ang mainit na tagpo n
