PAGKABABA ni Candy sa sinakyang taxi ay sandali pa niyang tiningala ang matayog na gusali ng Soliven Group kung saan naroon ngayon ang kaniyang nobyo. Hindi niya maiwasan ang humanga sa magandang design ng naturang gusali.
Ayon na rin kay Mhorric, nasa pinakahuling palapag ang gamit nitong opisina. Bagay na nagpalunok sa kaniya. Hindi naman kasi niya inaasahan na isa sa matatayog na gusali na natanawan niya habang nakasakay sa taxi ang pagmamay-ari nito.
Huminga muna siya nang malalim bago nagsimulang maglakad. May dala siyang paper bag kung saan nakalagay roon ang mga pagkain na nakalagay sa disposable container. Mainit pa iyon dahil kaluluto lang. Hindi na siya pinagdala pa ni Mhorric ng pinggan at kubyertos dahil magpapadala raw ito sa office nito. Kaya naman pagkain lang ang dala niy
