NAITULAK ni Candy palayo sa kaniya si Mhorric, na nakayakap sa kaniya, nang bigla na lamang tumunog ang doorbell. Indikasyon na may tao sa labas ng unit nito.
“M-may bisita ka ba?” tanong agad ni Candy kay Mhorric.
Umiling ito. “Wala,” sagot nito. Inayos nito ang suot na damit na bahagyang nalukot bago hinayon ang papunta sa may main door ng condo unit nito.
Mabilis namang dumiretso si Candy sa kusina para uminom ng tubig. Kararating lang din ni Mhorric galing sa trabaho. Maghahanda pa lang din siya ng para sa hapunan nila. Akmang bubuksan niya ang ref nang maulanigan ang papalapit na boses sa kusina. Ibinaba niya ang kamay at marahang naglakad papunta sa may pinto ng kusina.
Curious siya kung sino ang dumating.
Malapit na siya sa may pinto nang bigla naman iyong bumukas. Animo para s
