KATULAD ng pangako ni Mhorric kay Candy, nag-stay sila sa UHB Leisure Club. Friday pa lang ng hapon pagkalabas na pagkalabas ni Mhorric galing sa trabaho nito ay pumunta na sila roon. Doon na rin sila nag-dinner.
Si Donya Teresa naman ay bumalik na rin sa Alabang at hindi na rin nagtagal pa sa Pagbilao City. Nangako naman si Mhorric na dadalaw sila sa susunod na weekend sa mga ito. Para na rin makita nila ang lolo nito.
Pinag-shopping din siya ni Donya Teresa nang pumunta sila sa Monterey Mall. Dinala din siya sa salon. Ipinaayos nito ang buhok niya. Kung noon ay purong itim ang kulay niyon, ngayon naman ay chocolate brown na ang kulay. Medyo wavy na rin ang bandang dulo. Nagustuhan naman niya ang bago niyang hairstyle. Ang mga kuko niya sa paa at kamay ay pina-manicure din nito at pedic
