PINAGMASDAN ni Candy ang sarili sa harapan ng salamin sa loob ng banyo. Banyo na nasa may beach ng mismong UHB Leisure Club. Suot na niya ang napili ni Mhorric na panligo niya sa dagat.
Rash guard suit na kulay itim ang suot niya. May mahabang manggas sa pang-itaas. Hindi naman umabot sa kalahati ng hita niya ang haba ng pang-ibaba niyon. Ang buhok niya ay ipinusod niya para hindi manabog mamaya sa tubig. Nakapagpahid na rin siya ng sunblock sa kaniyang mukha. Ganoon din ng sunblock lotion sa kaniyang hantad na katawan. Daig pa niya ang babaing mag-sa-surfing sa dagat.
Paglabas niya sa banyo ay nakaabang na si Mhorric sa labas niyon. Suot na rin nito ang panligo nito. Nakasuot din ito ng rash guard suit. Male version lang ng suot niya. Biro pa nga sa kanila ng isa nitong co-member ay nak
