DAHIL sa narinig na confession ni Candy ay hindi na naman makagalaw si Mhorric sa kinatatayuan nito dahil hindi agad makapaniwala sa narinig mula sa kaniya.
Si Candy na ang naunang kumalas mula sa pagkakayakap kay Mhorric at buong pagmamahal na pinagmasdan ito sa guwapong mukha nito na natitigilan pa rin.
“A-ano’ng sabi mo? Puwede bang ulitin mo?” ani Mhorric nang makabawi. Halos hindi kumukurap.
“Nasabi ko na at ayaw ko ng ulitin,” nakangiti niyang wika na tinalikuran na ito at nagsimulang maglakad-lakad sa gilid ng lagoon.
“Candy,” habol sa kaniya ni Mhorric. Humarang ito sa kaniyang harapan kaya napahinto sa paglalakad ang dalaga. “Please,” pakiusap nito sa kaniya.
Paano ba tiisin ang lalaking ito? Huminga muna siya nang malalim bago ibinigay ang gusto nito.
“Mahal kita. Okay na b
