PAGKA-PARK ni Mhorric ng kotse nito sa gilid ng kalye ay agad din itong bumaba para pagbuksan si Candy. Pagkuwan ay magkahawak pa sila ng kamay nang maglakad sila sa isang pathway na isang dipa ang lapad. Kasya roon ang isang golf cart. Maraming puno sa tigkabilang gilid. Ang pinakadamuhan ay animo hindi tinutubuan ng ligaw na d**o dahil kay ganda niyong tingnan sa mga mata. At dahil malilong dulot ng mga dahon ng puno, tila ba kay sarap doong maghabulan. Patag din kasi ang lupa na nalalatagan ng carabao grass.
Sa hindi kalayuan ay mayroon siyang natanawan na parang kubo na walang dingding. Open na open iyon. Doon sila pumunta ni Mhorric.
Tahimik sa parteng iyon ng Leisure Club. Tanging ang ingay lang na maririnig mo ay huni ng ibon, kulilis at paggalaw ng mga dahon dulot ng hampas ng ha
