NGAYON pa lang ay para bang gusto ng malula ni Candy dahil sa malalaking personalidad na makakaharap niya sa lugar na iyon. Paano kung hindi siya magustuhan ng mga iyon para kay Mhorric?
Ang daming, what ifs.
“Wow! Tama ba itong nakikita ko?” bigla ay wika ng isang lalaki pagkaakyat nina Candy at Mhorric sa pangalawang palapag ng Bay View Restaurant.
Ang tendency tuloy ay napatingin sa kanilang kinaroroonan ang mga naroon na kumakain din ng agahan. Parang gustong magtago ni Candy sa likuran ni Mhorric dahil sa mga pares ng mga mata na nakatuon sa kanila ngayon.
“Hindi pa naman malabo ang paningin ko.”
“Liam, not now,” ani Mhorric na iginiya na si Candy papunta sa paborito nitong upuan. Iyong malapit sa may veranda at tanaw ang dagat sa hindi kalayuan. “Remind ko na agad sa iyo na ‘wag
