“HINDI ko sigurado kung makakauwi ako ngayong lunch,” ani Mhorric sa kabilang linya.
Sandaling hindi agad nakapagsalita si Candy. Nang makabawi ay lumunok muna siya. “Ganoon ba?”
“Hmmm. May meeting kami mamaya after lunch.”
“Saan ka kakain?”
“Magpapa-deliver na lang siguro ako.”
“Deliver? ‘Wag na. Hatiran na lang kita? Gusto mo?” nakangiti pa niyang wika kahit na hindi nito kita.
“Pupunta ka rito?”
“Bakit parang ayaw mo yata?” aniya na nawala na ang ngiti sa labi at napalitan ng kunot ng noo.
“No. Hindi sa ganoon.”
“May tinatago ka ba riyan sa kompanya mo?”
Ganoon na lang ang pagtawa ni Mhorric sa kabilang linya. “Wala. Wala akong tinatago. Okay, kung gusto mong pumunta rito, ikaw ang bahala. Gawin mo ‘yong gusto mo. Hmmm?”
“Nagbago na ang isip ko. Magpa-deliver ka na lang sa ib
