ARGUS POV.
NARIRITO ako sa ngayon sa penthouse ni Aneth, hindi mawala sa isipan ko ang mga nakita ko sa history ng VIP account ni Midnight Girl, ilang araw na ang lumipas. Gusto kong magalit… karapatan ko iyon bilang tunay niyang asawa. Ngunit sa halip na galit, ang nararamdaman ko ay kirot sa dibdib at isang kakaibang awa para sa kanya.
Kahapon, natanggap ko ang pinal na resulta ng imbestigasyon. Ang adopted parents niya ang nagpa-rehistro ng aming kasal. Ginawa nila iyon sa utos ng tunay na ama ni Aneth… o sa tunay niyang pangalan, si Meliza Montalvan Salazar.
Ayon sa isang dating kasambahay ng pamilyang Salazar, nang malaman ng ama ni Meliza na ikinasal siya sa isang Del Fierro, agad nitong inutusan ang kanyang adopted parents na ipa-rehistro ang kasal upang maging legal. Ang mas mas
