ELLEN POV.
PAGLABAS ko ng elevator mula sa aking penthouse patungo sa parking area kung saan naroon ang sasakyan ko, may isang itim na sasakyang biglang humarang sa aking daraanan.
Napaatras ako sa gulat. Ngunit bago pa man ako tuluyang makatakbo, mabilis nang bumaba ang dalawang lalaki mula sa sasakyan. May hawak silang mga baril.
Nanlambot ang aking mga tuhod sa matinding takot. Gusto kong tumakbo, sumigaw… ngunit nakatutok na sa akin ang kanilang mga baril.
“Sumakay ka nang maayos kung gusto mong mabuhay,” mariing utos ng isa, malamig ang tinig.
“H-hindi ko kayo kilala,” pilit kong sinabi, kahit nanginginig ang boses ko. “Bakit ako sasakay?”
Hindi siya sumagot. Sa halip, mas idiniin niya ang baril sa aking sentido.
“Sasakay ka o babarilin kita?”
Napapikit ako. Inihanda ko ang sa
