ELLEN POV
NASA loob kami ng isang infant boutique nang biglang dumagsa ang mga tao. Kinabahan ako, at agad akong nilapitan ni Sir Argus… baka mabunggo nila ako. Mabuti na lamang at mabilis na naisara ang pinto. Ang mga bodyguard naming mag-asawa ay nasa labas; dalawa lamang ang kasama namin dito sa loob.
Agad na pumwesto ang dalawa sa unahan namin, humaharang at nagbabantay. Sa una, inakala kong may bibilhin lamang ang mga taong iyon. Ngunit laking gulat naming mag-asawa nang lumapit sila at humiling ng autograph.
“Sandali,” hindi na ako nakatiis at nagsalita, “ano ba ang nangyayari? Bakit gusto ninyong magpapirma sa asawa ko?”
“Asawa mo siya?” tanong ng isang babae, halatang nagulat.
“Oo,” mariin kong sagot. “Kaya bakit ninyo hinihingan ng autograph? Hindi naman celebrity ang asawa k
