ELLEN POV
NAGISING ako na tila nakalutang sa ere. Nang igalaw ko ang aking mga mata, agad kong nakita si Sir Argus… tumatakbo habang buhat ako sa kanyang mga bisig. Kumirot ang aking katawan kaya hindi ako agad nakapagsalita. Ngunit nanlaki ang aking mga mata nang mapansin ko ang nakahandang ambulansiya sa di-kalayuan.
Saka biglang bumalik sa aking isipan ang mga nangyari. At agad akong nakaramdam ng pagkailang.
Hindi… hindi pwedeng mangyari ito.
Hindi niya ako pwedeng dalhin sa ospital. Isang napakalaking kahihiyan iyon.
“Sir Argus!” malakas kong tawag, pilit nilalakasan ang tinig sa kabila ng panghihina.
Agad siyang huminto sa pagtakbo.
“A-Aneth, kumusta ang pakiramdam mo?” Halatang bakas sa kanyang mukha ang matinding pag-aalala habang mariin akong tinitigan.
“Ibalik mo ako sa l
