HUGO POV.
KASAL… isang salita na kinamumuhian ko simula nang lokohin ako ni Cindy. Napatawa ako nang mapakla bago naglakad patungo sa mini-bar. Ramdam kong nakasunod ang mga mata ni Rufus Nathan sa bawat galaw ko, kaya dalawang baso ang sinalinan ko ng alak.
“Bakit? Hahayaan mo na lang bang manatili kang nakatali kay Cindy?”
“Syempre hindi. Pero wala rin akong balak na muling magpakasal. Maraming mag-couple ang nagsasama nang walang marriage contract. At least, mas madali ang paghihiwalay kapag hindi nagkasundo.”
“Ano ang plano mo kay Ms. Alexia? Tandaan mo, isa siyang Montero.”
“Ano naman ngayon kung Montero siya?”
“Kennedy and Kenneth Montero …siguro naman kilala mo siya, tama ako?”
“Oo. Dating business partner ni Papa ang ama niya.”
“Paano kung kapatid nila si Ms. Alexia? Ano an
