paboritong kong alaga” masayang sagot ni Manang at pinisil pa ang kaliwang pisngi ko.
Napapanganga ako na parang nasasaktan sa pagpisil ni Manang sa pisngi ko. “Manang naman! Halika na nga!” Tinulungan ko si Manang na ipasok ang mga dala n’ya sa kusina at habang naglalakad ay hinahaplos ko ang pisngi ko na pinisil n’ya.
“Manang!” pagtawag ko matapos maibaba sa ibabaw ng kitchen counter ang dalang malaking basket. Nagtuloy si Manang sa kanyang kwarto na malapit sa kusina. Inalis ko ang nakatakip na tela sa ibabaw niyon at bumungad sa akin ang samu’t-saring mga root crops at ilang prutas. May kamote, gabi, kamoteng kahoy, ilang piling ng saging at ilang bungkos ng dalandan. “Uy! Ang dami nito, nakakatuwa naman!” masayang komento ko sa nakikita.
Inabala ko ang sarili sa kusina. Inisa-isa
