"PLEASE, wake up, Babe..." mahinang usal
ni Zoey habang hinahaplos ang kamay ni
Francis. "You just can't leave me like this,
Francis..."
Sa loob ng mahigit labinlimang oras ay
limang heart surgeon ang nagtulong-tulong
para operahan si Francis. Tumama sa isang
ugat malapit sa puso ni Francis ang bala at
kinailangang takpan agad ang sugat niyon
kung hindi ay magiging dahilan iyon ng
pagkalason ng iba pang internal organs
nito. Nangilabot siya nang sabihin ng doktor
na kung hindi agad naisugod si Francis sa
ospital ay siguradong binawian na ito ng
buhay.
Naging matagumpay ang operasyon. The
bleeding stopped pero hindi sapat iyon
para ideklarang ligtas na ito. Hindi pa
nalalampasan ni Francis ang critical period
dahil hindi pa ito muling gumigising. Ang sabi ng
doktor, kapa
