"Welcome back, Manila," bulong ko
Palabas kami ng NAI Airport. Nakakaloka ang pagpaplano ni Mama na sa probinsya na kami maninirahan. Ma-uudlot lang naman pala. Tatlong linggo lang kami sa probinsya para kaming Nagbakasyon lang doon. Gusto kong mainis sa nangyari. Ngunit wala naman akong puwedeng sisihin. Hindi naman kasi alam ni Mama na kukunin naman pala ng Tito ko si Lola. Eh, 'di sana hindi na kami umalis pa.
"Namiss kita, Manila!"
Napalingon ako sa ingay ni Kuya habang nakasakay kami sa kotse. Napa-iling na lang ako kay Kuya Melo. Para kasing may topak.
"Oh, Manila. Namiss ko ang ingay mo, ang maduming hangin mo. At ang mga taong pulubi sa kalsada. Namiss kong dinadaan ang mga batang nagru-rugby. Manila kay tagal kitang inasam."
"Tumigil ka nga diyan!" Sabay batok ni Mama kay
