ILANG beses kong sinipat ang wrist watch ko. Kanina pa ako nakabihis dahil may date kami ngayon ni Luke. Maaga akong natulog kagabi upang maging maganda ako ngayong araw. Ngunit isang oras na ang nakakalipas walang Luke na dumating. Nagsimula na akong mainis sa kanya kaya naman sinubukan kong tawagan siya.
"s**t! Busy ang linya!"
"Bunso, Kunin mo ang kaldero dali!" Ani Kuya Melo. Nakahiga kasi siya sa Sofa habang nanonood ng Anime Movie.
"Anong gagawin ko doon?" Nakataas pa ang kilay ko nang tanungin ko siya.
"Isabit mo dyan sa nguso mong matulis." Sabay tawa ng malakas.
Sa inis ko kumuha ako ng maliit na unan sa Sofa namin at ibinato ko sa kanya. "Kainis ka kuya Melo!"
"Haha! Bakit naman kasi ganyan ang itsura ng mukha mo? Hindi ka lang sinipot ni Luke. Badtrip ka na!"
"Ano sa ting
