27
Nagulat si Heaven nang may humalik sa pisngi niya. Napalinga kaagad siya at sumalubong ang nakangiting mukha ni Emerald sa kanya.
"Baby..." gulat na sabi niya. "Nagulat ako sa’yo." parang di niya alam kung kelan pa siya naging nerbyoso.
"Bakit may iniexpect kang iba?" mataray na tanong nito sa kanya at tinaasan pa siya ng kilay.
Natawa siya bigla. "W-Wala. Wala." niyapos niya ito sa baywang.
"Good." anito na daig pa Miss Minchin sa kasungitan sa 'Sarah ang Munting Prinsesa'
Nasa café kasi siya kausap ang President at ang ibang staff ng kanilang batch na nag-aasikaso ng reunion tapos bigla na lang sumulpot ang dalaga sa tabi niya at hahalikan siya.
Tapos ay hindi siya nito pinansin. Bumaling ito sa mga kausap niya. "Hi!" sabay kaway nito na parang isang bata.
Well talaga namang b
