Sa kalagitnaan ng gabi, hinayaan ko sila na magdesisyon kaya naman nanonood pa kami. Napansin ni Blaze ang pananahimik ko kaya naman agad siyang ngumisi nang magtama ang tingin namin.
“Maganda pala na nasasaktan kami kasi pinapaboran mo kami, Mahal na Prinsesa,” aniya.
Sa sobrang inis ko ay dumampot ako ng popcorn at ibinato sa kaniya.
Tawa siya nang tawa dahil doon at kahit papaano ay natawa rin ako at kalaunan ay naging panatag ang pakiramdam dahil sa nakikita kong ayos lamang sila.
“Sa susunod, susugatan ko talaga ang sarili ko para naman palagi kang mabait sa akin.”
Si Blaze iyon, e. Si Blaze lang naman ang ganoon ang mindset. Binatukan siya ni Arthur na iiling-iling lang.
“Don’t mind him. Ubusin niyo ang chips nang makapagpahinga na tayo pare-pareho,” ani Arthu
