“Lady Loren, masaya po ako na nagkaayos na po kayong muli ni Lord Magus,” ngiting-ngiti si Trisha kaya naman alam ko na totoo ang kaniyang sinasabi.
Hindi ko rin maiwasang hindi mapangiti. Inaayusan niya ako ng buhok nang sa gayon ay kami ay makalakad upang magtungo sa kastilyo ni Aunt Celia at Uncle Von. Nakita ko ang sulat na natanggap ni Magus dahil nagpadala na naman ang mag-asawa kanina sa pag-aakala na hindi namin iyon natatanggap. Nagpabatid kami agad na sa araw na ito kami ay paparoon nang sa gayon ay hindi na sila pa muling mag-alala.
Nasabi sa akin ni Trisha ang lahat ng mga pangyayari noon at kung paano sapilitan akong hinanap ni Uncle Von kasama ang mga tauhan nito na siyang pinagkakatiwalaang lubos. Hindi nga lamang daw ako nito natagpuan. Mas pinili nitong ako ang han
