PAGPASOK ni Cady sa kuwarto ay naabutan niya si Rue na nakahilata na sa kama at humihilik. Hindi man lang ito nakapagbihis kahit magtanggal ng sapatos. Marahil ay sa sobrang pagod kaya kaagad itong nakatulog. Nag-shower na muna siya. Pagkatapos ay maingat niyang hinubad ang sapatos ng kanyang asawa. Hinubad din niya ang polo nito at pantalon.
Napakaliit na lang ng espasyo sa kama ang natira para sa kanya. Inaantok na rin siya kaya isiniksik niya ang katawan sa tabi ni Rue. Mamaya ay pumihit ito paharap sa kanya at dagling sumampa ang mabigat nitong braso sa puson niya. Marahang tiningnan niya ang mukha nito. Ang amo ng mukha nito at malayung-malayo sa kapilyuhan nito habang gising.
Noong nasa bokabularyo pa niya ang pakikipagrelasyon, simple lang ang lalaking gusto niya. Kahit hindi mas
