NAGKUMPULAN ang mga taga-Caern sa palibot ng kubol ng pinunong-gabay. Pawang mga impit na ungol ang maririnig sa loob mula sa Marilag, na siyang nagpapakislot sa mga nakaririnig sa labas. Kabado, at kasiyahan-mga damdaming nakapaloob sa mga naghihintay sa isisilang na sanggol, na siyang maaaring maging kasunod na tagapagligtas ng sangkalobohan sa darating na mga panahon.
Nakamasid. Umuusal ng panalangin. Umaawit. Tumutulong: Iyon lamang ang kayang gawin ng mga gabay. At si Zév Sandalio; ang pinuno at asawa ng naitakdang Marilag ang siyang nasa tabi ni Brianna para umalalay sa kanyang panganganak.
"Aaaaaaah...." Mahigpit na kumapit si Brianna sa braso ng asawa sa tuwing humihilab ang kanyang tiyan. Papalakas, at papahaba ang mga kirot sa bawat oras na dumaraan.
"Nakalubog na ang araw. Mu
