Adelina’s Point of View
Nakatitig lang ako kay Sir Amadeo habang nakatayo siya sa unahan kasama ang dalawa pang Salvatore. Sa kanilang tatlo, siya lang yata ang mukhang hindi nagustuhan ang anunsyo ng Godfather. At gaya niya, may mga tao ring hindi nagustuhan ang balita. Halos lahat ng mga nasa paligid ko ay tutol sa desisyon ng Godfather.
Napaisip tuloy ako kung alam ba ni Sir Amadeo na maraming may ayaw sa kanya.
“Why would the Godfather include his adopted son?” Bakas ang pagkadismaya ng lalaking katabi ko. Hindi ko siya kilala pero dahil tsismosa ako ay nakinig ako sa pag-uusap nila ng kasama niya. “That’s an insult to his biological sons!”
Tumaas ang kilay ko sa sinabi nila. “Eksyus me?” mataray kong baling saka sila tinaasan ng kilay. “Kinukwestiyon n’yo ba ang desisyon ng godpa
