Adelina's Point of View
Hindi ako mapakali habang iniisip ang misyong ibinigay sa akin ni Boss Maximo. Nagkataon lang ba na sa Barcelona rin ang punta namin ni Sir Amadeo o baka magkapareho kami ng pakay?
Nakagat ko na lang ang aking labi. Dahil kung nagkataon ngang ang misyon ko ay protektahan ang taong target nila Sir Amadeo, ay hindi malayong magtagpo ang aming landas at magkabukingan. At kapag nangyari 'yon, tapos ang lahat.
Kapag nangyari 'yon, hindi ko matatapos ang misyon ko. Hindi ko na mahahanap ang susing kailangan ni Boss Maximo, at hindi ko na rin makukuha ang impormasyong makakapagturo sa akin kung nasaan si Dada.
Naikuyom ko na lang ang aking magkabilang kamay saka ako napapikit. Sa totoo lang ay hindi ko na alam ang gagawin. Gulong-gulo na ako. Pumunta ako sa mansyong
