“Hindi siya sumasagot,” natatarantang saad ni Pablo nang makailang beses na niyang tawagan si Amadeo. Kagat-kagat ang daliri ay nagpalakad-lakad siya sa harapan ni Adelina at ng iba pang mga miyembro ng grupo. “What should we do?”
“Gaya ng sinabi ko, sundan natin siya,” sagot ni Adelina na kanina pa hindi mapakali. “Nagsasayang tayo ng oras dito. Baka kung ano nang nangyari sa kanya ro’n.”
“Hindi tayo pwedeng magpadalos-dalos. What if wala pala ro’n si bossing?” saad naman ni Pablo. Pilit niyang ikinakalma ang sarili niya. Siya ngayon ang tumatayong lider ng grupo dahil wala si Amadeo. Kailangan niyang mag-isip nang maayos. Kailangan niyang siguruhin ang kaligtasan ng mga kasamahan niya.
“Hindi pa ba nakakabalik si Lindon?” tanong ni Pasita na kanina pa hindi rin mapakali. Kulang na lan
