“SALAMAT,” TIPID NIYANG sabi sa asawa nang ipagsandok siya nito ng pagkain.
Hindi niya napansin kung anong oras ba ito umuwi. Basta paggising niya katabi na niya ito at mahigpit na nakayakap sa kan’ya. Naamoy niya ang bibig nito kanina, nakainom ng alak.
Ngumiti si BK sa kan’ya nang matapos siya nitong pagsilbihan. Nagsandok na rin ito ng para sa sarili nito.
“Anong oras darating ang mga bisita mo, ‘Ma?” tanong ni Astin sa ina.
“After lunch sila Diane at Nikki darating. Husbie, natanong mo na ba ang ibang mga kaibigan mo kung anong oras?”
“Patanong ko, ‘Pa kasi inaayos na ang pagdadausan. Hindi pa alam kung ilan ang ilalabas na mga mesa,” ani ng asawa sa ama nito.
“Anak, simplehan niyo lang, huh? Sanay naman mga ‘yon sa simpleng handaan.”
“Si Kuya at Ate Laura na po bahala diyan, ‘
