“NO!” NAPATINGIN SIYA kay BK sa sinagot nito sa kan’ya.
“Ngayon lang dahil gusto kong magbayad sa utang na loob ko sa kan’ya.” Nagpaalam kasi siya na iiwan ito dahil sasamahan nga niya si Max na mag-stroll nga. Bayad man lang sana sa ginawa nitong pagtulong sa kan’ya nito.
May kinuha ito sa bulsa. “O, bayaran mo na lang.”
Napakunot-noo siya nang iabot nito ang debit card nito.
“Nag-iisip ka ba, BK? Utang na loob, babayaran ng pera?”
“Yes. puwede naman, ah. Para hindi ka na mag-isip.”
Umiling-iling siya rito. “Lahat na lang idadaan sa pera, ganoon?” Binangga niya ito at kinuha ang bag. Bahala ito. Basta siya, aalis. Pinal na. Pupuntahan niya si Max sa lugar na sinabi nito sa text.
“Daphne!”
Nilingon niya ito. Nasa harap na siya ng pintuan ng dorm niya. “Paki-lock, bago ka umalis.” B
