“‘WAG KANG KAKAIN sa labas, ha?”
“Sa opisina lang ako ngayon, baby pangako.”
“Sure?”
“Yes, baby. Marami akong pending kaya tinatapos ko. Baka magalit na sekretarya ko.”
Napaingos siya. Kakaiba talaga ang pakiramdam niya sa sekretarya ng asawa. At bakit kailangang matakot pa ito sa sekretarya nito? Dapat mas matakot ito sa asawa.
“Sige. Hintayin mo ako diyan, ha?”
“I will,”
“Okay. Bye!” Hindi na niya hinintay na sumagot ang asawa, pinatay niya na.
Mabilis na inilagay niya sa lunchbox ang mga pagkaing iniluto. Isang linggo na niyang ginagawa ito simula nang bumalik sila sa Maynila.
Hindi naman kasi kumontra si BK na hinahatiran niya lagi ng pagkain sa opisina, kaya pinagpatuloy niya na lang. Gusto niya kasing pagsilbihan ito. Kaya, araw-araw niyang ina-aaral ang pagluluto. Siyempr
