HINUBAD NI BLAIRE ang suot na shades saka pinagmasdan kung paano pumailalim nang sabay ang dalawang kabaong. Ngayon ang libing nina Bernard at ang mommy niya. Mahigit isang linggong ibinurol ang mga ito dahil may hinintay pang kamag-anak galing sa ibang-bansa. Nang makarating sa ilalim ang dalawang kabaong, sabay-sabay nilang inihagis ang mga hawak na bulaklak. Hindi mapigilang maluha ni Blaire. Nahawa na siya sa mga iyak nang malalapit na kamag-anak nina Bernard. She wiped her tears and took something inside her bag. Ito ay iyong singsing na ibinigay sa kaniya noon ni Bernard. Mas minabuti na lang niyang isama ito sa libingan dahil kapag nasa kaniya pa, baka bumalik ang mga ginawa nito. Nagpakawala muna siya ng hangin sa bibig saka binato ang singsing na hukay ni Bernard.
"What is that,
