HINDI NORMAL ANG paningin ni Blaire nang magising siya. Ang labo ng kapaligiran niya kaya halos mapaiyak siya ng mga sandaling iyon. Sunod-sunod siyang pumikit at sa wakas, bumalik na sa normal ang lahat. Parang wala sa sariling tumayo siya at bahagyang naglakad pero may naramdaman siyang malamig sa may paa niya. Dahan-dahan niya itong tiningnan at ganoon na lamang ang panlalaki ng mga mata niya nang mapagtanto kung ano iyon. Kadena. Umupo siya at sinubukang tanggalin ang kadena pero hindi niya magawa. Nakakabit ang kadena sa may bakal. s**t! Sino ang may gawa nito? Takot na takot siya. Gusto na niyang umalis dito. Sumabay pa itong likod niya na medyo masakit. Sandali, nasaan ang mommy niya?
Inikot niya ang tingin niya pero wala siyang nakitang ni isang tao kundi siya lamang. Nagsisisigaw
