LUMAPIT SA KANIYA ang daddy niya. "Blaire, ginagawa ko lang ito para sa iyo. Ginagawa ko ito dahil mahal kit—"
"Shut up!" sigaw niya. "Kontrolado mo a—"
Isang sampal ang natanggap niya sa sarili niyang ama. "Wala kang karapatang sigawan ako dahil ama mo ako! Kahit ano man ang mangyari. Kahit umikot man ang mundo, ama mo pa rin!" nakatiim nitong sabi habang nanlilisik ang mga mata sa kaniya.
Kahit masakit ang sampal nito, nagawa pa ring ngumiti ni Blaire. "Simula nang kontrolin mo ako, hindi na kita tinuring na ama. Naging masama ka na nang dahil sa lalaking ito!" At dinuro niya si Bernard.
"Hindi ako naging masama. Naging mabuti akong ama sa iyo at sa totoo nga ay utang na loob mo sa akin kung bakit ka nabuhay sa mundong ito!" nangagalaiti nitong sigaw. "Kung hindi nga lang kita anak,
