15 YEARS LATER...
"Sige, Paulin. I'll talk to you later."
Nang tumugon ang kaibigan, agad pinatay ni Blaire ang laptop at lumabas ng kuwartong kinalalagyan. Kanina, habang nag-uusap silang dalawa, bigla na lang may nag-doorbell sa labas at hanggang ngayon, hindi pa rin tumitigil. Naiinis man ay nagawa pa rin niyang maging kalmado. Nang makababa, kaagad niyang tinungo ang pinto at bumungad ang guard sa gate ng village na kinatitirikan ng bahay nila habang nasa unahan nito si Archi na... na may bangas ang mukha?
"Ma'am Blaire, pasensya na po kung naabala kita. Ito kasing anak mo, nakipagsuntukan sa labas."
Her eyes widened. Agad niyang kinuha ang kamay ng anak at hinila patungo sa kaniya. Tiningnan niya ang buong katawan nito. May mangilan-ngilan itong gasgas sa braso. Sa mukha naman, ma
