MARAMING ARAW ANG lumipas, hindi pa rin nagpaparamdam si Sergio kay Blaire. Ayos na rin siguro iyon para tuloy-tuloy ang pagiging tahimik ng buhay niya. Sa mga araw na nagdaan, walang ibang ginawa si Blaire kundi ang ikulong ang sarili sa kuwarto. Mahirap kalimutan si Sergio pero paunti-unti ay nawawalan na siya ng interest dito. Kumbaga'y minsan na lang niya iniisip ang lalaki. Natutuhan niyang alagaan ang sarili para sa kaniyang anak dahil iyon ang kailangan.
"Hindi ka na dapat sumama sa akin, Blaire. Baka mapagod ka lang, e buntis ka pa naman."
Bumuntong-hininga si Blaire habang patuloy sa pagtulak ng cart. "Manang Tina, you don't need to worry about me because I am just fine. Nabuburyo na po ako sa bahay kaya sumama ako. At isa pa, wala naman pong dahilan para mapagod ako, e. Maliit
