NAHINTO ako sa akmang pagpasok sa classroom. Doon ang unang klase ko na nagsisimula nang alas siete quince ng umaga, pero alas ocho y media na sa relo ko nang makarating ako ng eskwelahan.
Sa talambuhay ko, buhat nang pumasok ako sa school noong bata pa at hanggang sa tumanda at magkatrabaho ay hindi pa nangyaring nahuli ako. Partida pa na sa bundok ako dati nakatira. I make sure that I always arrive on time. Ako si Miss Punctual ng elementary hanggang high school, pero sa pagkakataong iyon ay ako pa yata ang kahuli-hulihang guro na pumasok.
Hindi talaga ako makapaniwalang tinanghali ako nang husto ng gising kanina. Maging ang alarm clock na ginagawa kong back-up kapag hindi ako kusang nagising ay hindi ko rin narinig. Ganoon ba kasarap at kalalim ang tulog ko sa nagdaang gabi? Ganoon
