(JESSIE)
"GOOD news, Mr. and Mrs. Urbano. The court has granted our petition to bail. Pansamantalang makakalaya si Corabelle habang nililitis ang kaso niya."
Napayakap ako kay Lucas sa tuwa. Hindi rin ako nakatiis na hindi agad iparating kay Mamang ang magandang balita kaya naman pagkatapos ng meeting namin sa abogado ay bumiyahe agad kami ni Lucas pauwi sa bahay.
Doon muna kami pansamantalang tumutuloy na mag-asawa habang wala pa kaming nakikitang bagong bahay na lilipatan. Mahihirapan kasi si Mamang kung doon kami sa condo unit ni Lucas titira at ayaw ko rin namang iwan silang tatlo lang sa bahay. Bukod doon, nangako rin ako kay Ate Cora na hindi ko ipapasara ang canteen. Kaya nga kumuha ako ng taong pwede kong makatuwang sa pag-manage ng kainan lalo na at madalas kaming umaalis ni L
