"SABI ni Attorney, pinayagan daw ako na makadalo sa mismong kasal n'yo ni Lucas, pero hanggang doon lang. Hindi na'ko makakapunta sa reception. Okay na siguro iyon, hindi ba, Jessie?"
Pinilit ko ang isang ngiti bago tumango sa sinabi ni Ate Cora. Isang linggo na lang noon bago ang kasal namin ni Lucas. Regular ang pagdalaw namin nina Mamang sa kaniya kaya kahit paano ay naiibsan ang lungkot at alalahanin namin sa tuwing nagkikita-kita kaming lima. Subalit sa araw na iyon, naramdaman ko ulit ang lungkot dahil ikakasal ako na hindi siya ang aking maid of honor. Siya na nag-iisa kong kapatid.
"Alam mo, Jessie, may gusto akong aminin sa'yo. Bukod sa nagawa kong kasalanan, noong sinabihan kita ng nagpakatanga sa isang lalake, ang hindi mo alam, mas sarili ko ang tinutukoy ko noon. Nagpakatang
