Ang Lihim Ni Seth
AiTenshi
"Ang Pagsalakay"
Part 34
Natagpuan ko na lamang ang aking sarili na nag lalakad sa kawalan. Walang ingay, walang liwanag. Nakaka baliw ang katahimikan at pakiramdam ko ay naka kulong lamang ako sa isang silid na walang hangganan. Sinubukan kong tumakbo upang makalayo, sinubukan ko ring sumigaw baka sakaling may makarinig sa akin ngunit bale wala lamang ito. Ipinag patuloy ko ang aking pag lalakad hanggang sa mapagod lamang ako. Pakiramdam ko ay hindi rin naman ako umuusad mula sa aking kinalalagyan.
Halo halong emosyon ang nakaramdaman ko noong mga oras na iyon. Nanaig ang takot at pag aalala sa aking puso at isipan, wala tuloy akong magawa kundi ang maupo na lamang sa isang sulok at doon ay niyakap ko ang aking sariling tuhod. Marahil ay patay na nga ako at
