Ang Lihim Ni Seth
AiTenshi
"Huling Hiling"
Part 29
Kinabukasan, alas 7 ng umaga noong ako ay magising. Ilang minuto rin akong nag muni muni habang nakatitig sa kisame ng aking silid hanggang sa narinig kong may tumatawag sa labas ng aking bintana kaya naman agad akong bumalikwas ng bangon upang puntahan ito. "Magandang umaga Ybes!" isang magandang ngiti ang sumalubong sa akin habang bitbit nito ang bag ng gulay at prutas. "Mama Thea!!" ang gulat kong sigaw kaya mabilis akong bumaba upang salubungin ito.
"Magandang umaga po." ang bati ko naman "Saan po Seth?" agad kong tanong habang nililinga ang paligid.
"Nandoon pa sila sa bayan nag dala ng prutas at gulay sa merkado. Maaaga naman silang umalis kaya't siguro ay pauwi na rin ang mga iyon. Oh heto, pinabibigay ni Seth sa iyo." wika ni
