KIERA POV
"Kiera, saan ang lakad ni boss?" biglang naging tanong ni Kino na hindi ko inaasahan. Nagtataka ang mga mata kong tumingin sa kanya ngunit kalaunan ay napabuga na lang ng malakas na hininga nang makitang nagtataka rin ang mukha nito habang paulit-ulit akong sinisilip mula sa salamin na nasa unahan ng sasakyan.
Muli kong pinagkasya ang aking sarili sa panonood ng mga matatayog na kahoy na aming madadaanan. Mapait akong napangiti habang ang isang kamay ko ay marahan na hinahaplos ang malaking umbok ng tiyan ko. Ramdam ko ang panunubig ng bawat sulok ng mga mata ko kaya paulit-ulit akong pumikit upang pigilan iyon. Hindi ako pweding maging mahina sa harapan nila.
"Kiera, may problema ba?" seryoso ang tinig ni Mac nang magtanong. Umiling ako bilang sagot sa kanyang tanong n
